Sulmuesi Armando Broja ka marrë një goditje nga trajneri Frank Lampard. Ai së bashku me sulmuesin Michy Batshuayi ishin dy të vetmit që nuk iu dha një fanellë në miqësoren e bluve të para pak ditëve.
Lampard sfidoi ekipin e tij në një ndeshje brenda “familjes”, por nuk i dha minuta sulmuesit shqiptar.
Ky i fundit duket se do të huazohet në verë, pasi me afrimin e mundshëm të Timo Werner, Ziyech është zyrtarizuar, Abraham dhe Giroud janë në ekip, shanset që Broja të luajë janë minimale.
Sulmuesi i kombëtares shqiptare pritet të ketë fatin e Abraham. Ai do të huazohet në Championship për t’u rritur dhe nëse bind do të rikthehet në Londër me më shumë eksperiencë.
