Në Superligen e futbollit në Kosovë kohëve të fundit po shohim shumë ekipe që pasi po inkuadrohen në Superligë nuk po mund të qëndrojnë me shumë se një vit në këtë ligë. Arsyet janë të shumta si: mosorganizimi i mire i klubit, mosplanifikimi i duhur, fondi jo i mjaftueshëm i lojtarëve, buxheti jo i mjaftueshëm etj.
Ekipet të cilat dëshirojnë të jene pjese e Superliges dhe të jenë ekipe stabile duhet të kenë një organizim shumë të mire në klubet e tyre në gjitha aspektet duke filluar nga financimi stabil dhe i mjaftueshëm, ekipe profesionale të trajnerëve fond të mjaftueshëm të lojtarëve, po ashtu edhe shkolla e futbollit dhe ekipa e juniorve duhet të me qenë të organizuara mirë. Këto ekipe pretendente duhet të kenë fond te mjaftueshëm të lojtarëve edhe në ligën e parë që pas inkuadrimit në Superlige duhet që me shumicën e lojtarëve të vazhdoje edhe në Superlige me disa përforcime adekuat me planifikim të mire, klubet mund të arrijnë stabilitetin e tyre.
Tek ne po ndodh e kundërta në momentin që ekipet hynë në Superligë ndërrojnë gjithçka, duke filluar nga trajneri e pothuajse të gjithë lojtarët. Mendoj se kjo qasje është gabim, nëse një trajner ka qenë i gatshme me e rikthye ekipen në Superligë me një fond mesatar të lojtarëve mendoj qe ai trajner ka vlere dhe duhet që kryesitë e klubeve me i besu edhe në Superligë sepse Superliga nuk është nivel i premierliges.
Kurse numri i lojtarëve nuk duhet të ndryshohet shume baza e ekipes që ka hy në Superligë duhet të qëndroj në atë klub sepse klubet që pretendojne me qenë stabile në superlige ato duhet të përforcohen dhe ta formojnë ekipen në ligen e pare, pastaj në Superligë me pake përforcime do të bëhen ekipe stabile. Po ashtu edhe ekipa e juniorëve duhet të jetë e organizuar mire, aty duhet të bëhet punë profesionale në mënyrë që të prodhohen lojtarë për ekipen e pare.
Është normale që Superliga kërkon kushte më të mira dhe nivel më të lartë në të gjitha aspektet. Formimi i nje grupi të mire të futbollistëve kërkon kohe dhe organizim të mire e punë profesionale. Këtu në Kosovë fatkeqësisht ndodh e kunderta me disa klube, hyn në Superligë i ndërrojnë trajnerin dhe të gjithë lojtaret edhe kërkojnë nga trajneri vitin e pare me u shpall kampion. Në futboll paraja nuk është gjithçka, duhet pune profesionale, planifikim afatgjatë dhe organizim i mire në gjitha aspektet.
Shembull i mirë kohëve të fundit është KF Ballkani që është në vendin e parë me plotë meritë po ashtu edhe me junior është shpall kampion, ky ekip është në rrugën e duhur për suksese afatgjate edhe KF Llapi ka një politikë të mirë në grumbullimin e talentëve te rinj dhe perspektiv. Shpresoj që njerëzit që investojnë në futboll duhet të planifikojnë investim afatgjate dhe serioze, këto plane duhet të udhëhiqen nga profesionistët e sportit..
Autori është trajner i futbollit
