Këtë të diele (sot) do të zhvillohet xhiro e fundit e Superligës së Kosovës.
Kampioni i Superligës tashme është shpallur edhe zyrtarisht xhiron e kalume dhe është Drita. Ndërsa sot do të luftohet për një pozitë në Evropian dhe për mbetje në elitë.
Presidenti i Ballkanit, Arsim Kabashi duke folur për SSK para ndeshjes me Dritën është shprehur i lumtur me angazhimin e lojtarëve në garën për titull, por ka uruar Dritën për titullin kampion.
“Titullin e humbëm në minutat e fundit, çunat dhanë gjithçka nga vetja por edhe nuk patëm fat” – u shpreh ai.
“Në qoftë se për lojtarët ka oferta nga jashtë, nuk do t’i pengojmë dhe do jemi afër tyre”.
“I uroj Dritën edhe njëherë titullin kampion. Për ne fokusi është në sezonin e ardhshëm” – përfundoi ai.
Kujtojmë që Baftiu, Topalli dhe Hoxha janë lojtarë që janë përmendur shumë për një kalim të mundshëm në kampionatet evropaine.
