Bruklin Bekam, djali i legjendës Dejvid Bekam dhe e dashura e tij Nikola Peltz u fejuan vetëm pak javë më parë. Dhe shumë shpejt po dalin detaje rreth ceremonisë së tyre të martesës që do mbahet vitin e ardhshëm.
Sipas The Sun, ai dëshiron që të martohet me aktoren 25-vjeçare në një vendpushim mahnitës në Itali. Raportohet se në resorti luksoz ku Bruklin do që të kurorëzojë dashurinë e tij në martesë, një ceremoni mund të kushtojë deri në 3 milionë paund.
“Borgo Egnazia” është resorti ku u martuan edhe Justin Timberlake dhe Jessica Biel në vitin 2012.
Mediat shkruajnë se 21-vjeçari dhe aktorja u konsultuan me Viktoria Bekam për përzgjedhjen e vendit se ku do zhvillonin ceremoninë martesore.
Bruklin njoftoi fejesën me trashëgimtaren miliardere fundjavën e kaluar. Ai tha se kishte gjetur shpirtin e tij binjak, edhe pse kishin vetëm 9 muaj të lidhur.
Fotografi i bleu të dashurës së tij një unazë fejese me vlerë 350.000 paund.
Babai i Nikola Peltz, menaxheri i fondeve të investimeve dhe nëna e saj Klaudia Hefner, raportohet se janë ofruar për të paguar dasmën. Ata kanë një pasuri me vlerë 1.3 miliardë dollarë.
