Tashmë është zbuluar medalja e verdhë, ajo e titullit të 19-të të Milanit, që ia vodhën Stefano Piolit gjatë festimeve. Djali përgjegjës për vjedhjen nuk mundi t’i rezistonte tundimit për ta publikuar atë në rrjetet sociale me një mbishkrim: Faleminderit Pioli.
Pra, hajduti nuk i rezistoi dot tundimit social, teksa qartësisht, videoja (fillimisht e publikuar në formën e një historie në Instagram) është bërë tashmë “virale”.
Tani ishte e lehtë të parashikohej se personi përgjegjës që ia rrëmbeu nga qafa medaljen e kampionit trajnerit kuqezi gjatë festimeve do të gjurmohej shpejt dhe do të çohej te vendi ku kthehen sendet e vjedhura.
Dhe kështu ndodhi. Tre djem, sipas asaj që u deklarua, deklaruan në polici se e kishin gjetur medaljen në fushën e stadiumit “Mapei”, pranë hyrjes së dhomave të zhveshjes, gjatë festimeve, pas ceremonisë së laureimit të skuadrës kuqezi.
Tre të rinjtë, nga 20 deri në 25 vjeç, të gjithë banues në zonën e Reggio Emilias, u paraqitën në stacionin policor të asistuar nga avokati Alessandro Conti, iu dorëzuan medaljen karabinierëve, të cilët tani kanë nisur hetimet për të rindërtuar faktet.
Në orët e fundit kishim parë thirrjen publike të Piolit: “Është e vetmja medalje për një titull që kam, ju lutem ma ktheni”. Nga ana tjetër, Serie A kishte propozuar menjëherë dërgimin e një tjetër medalje te trajneri i kuqezinjve. Historia, në çdo rast, duket në rrugën drejt një fundi të lumtur.
“Cos’è il genio? È fantasia, intuizione, decisione e velocità d’esecuzione”
Il ragazzo che ha rubato la medaglia di Stefano #Pioli dopo lo Scudetto col #Milan posta il video sui socialpic.twitter.com/r1fnpBomEk
– Marco Conterio (@marcoconterio) May 23, 2022
