Emiljano Ramazanit ju bë një atentat mafioz pasditen e kësaj të hëne në Elbasan. Burimet bëjnë me dije se 39-vjeçari është qëlluar me breshëri plumbash nga një makinë në lëvizje.
Mjeti i krimit më pas është gjetur i djegur në kodrat përballë Paperit. Ndërsa autorët janë larguar me shpejtësi drejt aksit Bradashesh-Paper.
Ashtu sikurse konfirmoi edhe policia, viktima kishte një të kaluar kriminale. Ai është arrestuar disa herë për drogë. Ndryshe ai njihej me nofkën “Rramani” dhe banonte në lagjen “Sul Paprri”.
Në 2012 Ramazani u vu në pranga për drogë, ndërsa u arrestua sërish pesë vite më vonë. Gjatë operacionit të fundit atij ju gjet kokainë në makinë.
