Google së shpejti mund t’i kombinojë dy funksione mobile: “Edit & Share screenshots” dhe “What’s on my Screen”, i cili punon falë AI. Kjo zbulohet nga fajllat APK, në të cilat ekziston një funksion i ri, i quajtur “Smart Screenshots”, raporton Engadget. Karakteristika Smart Screenshots është vendosur në versionin më të ri të aplikacionit Google 10.61 dhe e implementon toolbarin e azhurnuar kur krijohet screenshoti. Si më parë, përdoruesi e ka opsionin për përpunim, ndarje dhe përdorim të aplikacionit të preferuar për dërgim të screenshoteve. Tani është edhe opsioni i ri: Lens. Me zgjedhjen e Lensit, është e mundur ta kryeni kërkimin, OCR (optical character recognition) ose t’i kërkoni objektet e ngjashme vizualisht. Tani për tani nuk dihet nëse funksioni Lens do të funksionojë për të gjithë screenshotët apo vetëm ato në kuadër të Google Search.
