Spanja është një nga vendet më të prekura në botë nga kjo pandemi e koronavirusit. Mirëpo kohët e fundit, numri i vdekjeve dhe të infektuarve atje ka rënë. Këto të dhëna kanë nxitur autoritetet që të lehtësojnë masat kufizuese, në të cilat ishte dhe hapja e plazheve.
Por për të minimizuar një përhapje të mundshme, qytetarët në plazhin Benidorm janë parë duke pritur në radhë për t’u akomoduar në rërën e nxehtë. Protokollet janë kundërshtuar nga pjesa dërrmuese e qytetarëve, të cilët i duhet të presin me orë të tëra për të frekuentuar detin. Sakaq, më herët autoritetet kanë ngritur pushuesit nga plazhet, e madje kanë sekuestruar edhe shezlonët. Shumë prej hoteleve vazhdojnë të jenë të mbyllura për shkak të pandemisë dhe si rrjedhojë shumë turistë flenë rrugëve.
Burimi: top-channel.tv
