Më shumë ‘lule portokalli’ në familjen “Beckham”. Pas Brooklyn-it, i cili së fundi u martua me trashëgimtaren Nicola Paltz, duket se Romeo, djali i dytë 19-vjeçar i David dhe Victoria, është gjithashtu i gatshëm të bëjë të njëjtën gjë.
Sipas asaj që raporton “Mirror”, futbollisti i ri i Inter Miami është duke menduar seriozisht për martesën. Sportisti i lindur në vitin 2002, prej kohësh është i lumtur përkrah Mia Regan, influencuese dhe modele.
Prezantimet zyrtare tashmë kanë mbërritur dhe duket se vajza ka krijuar një marrëdhënie të shkëlqyer me ish-këngëtaren e “Spice Girls”, vjehrrën e ardhshme. “Të martohesh në një moshë të re dhe shpejt duket të jetë një konstante në shtëpinë e Beckham.
Romeo dhe Mia janë shumë të dashuruar dhe konsiderohen si shpirtëra binjakë. Ajo ka një ndjenjë të mrekullueshme me Victoria”, – tha një burim i brendshëm. Sipas burimit, djali i David Beckham nuk bën gjë tjetër veçse flet për krijimin e një familjeje me gruan e tij të ardhshme menjëherë pas dasmës.
Përveç kësaj, duket se Romeo ka vendosur të presë për t’i bërë propozimin e fejesës Regan-it për të mos i vjedhur shfaqjen vëllait të tij të madh, Brooklyn-it. Ndaj, njoftimi zyrtar duket se do të mbërrijë së shpejti. Me shumë mundësi “po”-ja e Romeos dhe Mias do të jetë më intime dhe dasma do të organizohet në Britaninë e Madhe.
Cila është Mia Regan? Me flokë të gjatë bjonde, sy blu dhe një fizik të dobët. 19-vjeçarja është modele dhe influencuese angleze. Ata kanë qenë një çift i qëndrueshëm prej pothuajse nga viti 2020. Burri i saj i ardhshëm ka ndjekur hapat e babait të tij dhe ka nënshkruar kontratën e parë profesionale me Inter Miami.
