Të gjithë e dimë se sa proces i vështirë ka qenë pranimi i Federatës së Futbollit të Kosovës në UEFA dhe FIFA për shkak të pengesave të mëdha nga Serbia!
Agim Ademi, president i Federatës së Futbollit të Kosovës, ka ndarë një fotografi për të gjithë dashamirët, duke treguar për lobimin që bënë para disave viteve me të ndjerin, Fadil Vokrri, atëkohë president i FFK-së.
“Në Federatën Franceze në kuadër të lobimit për pranimin në UEFA dhe FIFA.
Takimin e organizoi veprimtari Ismet Mehmeti në Paris, pas shkresës së Agim Ademit i cili erdhi bashkë me Bashkim Hasanin. Po ashtu nga Franca atëbotë erdhën legjenda Fadil Vokrri dhe ish futbollisti Agim Cana”, shkruan në faqen President Agim Ademi.
