Ndonjëherë, të tregosh diçka në mënyrë vizuale është mënyra më e mirë për të kuptuar. Kjo është shumë e vërtetë sidomos kur bëhet fjalë për shkencën.
Mbajtja e një maske është bërë sot pjesë e rutinës sonë të përditshme, por gjithnjë e më shumë njerëz po pyesin sa e vlefshme është ajo.
Teksa temperaturat po rriten, lind shqetësimi sa ju mbron vërtetë vendosja e një shtresë tjetër në fytyrë?.
Një mikrobiolog vendoi të bëjë një eksperiment për të treguar se çfarë ndodh kur ju jeni të mbuluar me maskë.
Dr Richard Davis është Drejtori i Laboratorit të Mikrobiologjisë Klinike në Qendrën Mjekësore Providence Sacred Heart në Spokane, Washington. Pasi pa shumë keqinformime në lidhje me rreziqet dhe dobinë e maskave të fytyrës, ai vendosi të bënte një demonstrim.
Ai mblodhi pikla nga goja pasi kollitej, fliste, këndonte dhe teshtin me ose pa një maskë kirurgjikale. Pastaj ai vëzhgoi shumëzimin e baktereve në 24 orë në pllakat e kulturës. Këto janë baktere dhe jo viruse SARS-CoV-2, por ju mund të shihni, shpjegon Davis, se si një maskë bllokon shumicën e pikave.
