Pas më shumë se dy muaj pauzë futbolli elitar i Kosovës është rikthyer me ndeshjen e parë gjysmëfinale të kupës.
Prishtina ka siguruar fitoren prej 3:0 përball Drenicës në stadiumin “Fadil Vokrri” në kryeqytet.
Golat e Otto John (28’), Ahmet Januzi (44’) dhe Meriton Korenica (90’) ishin përcaktues të takimit.
Në pjesën e dytë më saktësisht para golit përfundimtar të Prishtinës, Drenica nëpërmjet Hasan Hysenit lëshoi një rast të artë për gol.
Hyseni dështoi të realizonte nga pika e bardhë.
Pas ndeshjes, trajneri i Drenicës, Gani Sejdiu është ankuar në lojtarët e tij për mungesë të konkretizimit të rasteve.
“Prishtina e fitoi këtë ndeshje me meritë, dhe Drenica nuk ka mundësi të rikthehet në lojë pas ndeshjes së kthimit, sepse rezultati 3-0 është i lartë, pra neve do të na duhet të koncentrohemi vetëm në luftën për mbijetesë tashmë”.
“Mendoj që pavarësisht që hymë në disavantazh 2-0 në pjesën e dytë, momenti kryesor ishte mos shënimi i penalltisë pasi pas një minute pësuam golin e tretë”.
“Pas dy golave tentuam të gjemë të paktën një gol dhe të shkonim në shtëpi më komod, por kjo ishte e pamundur, pasi pavarësisht rasteve nuk ia dolëm”, tha Sejdiu pas ndeshjes.
Kujtojmë, ndeshja e kthimit zhvillohet me 17 qershor në ‘Bajram Aliu’ të Skenderajt.
