Sot (e hënë) në mbarë botën kremtohet Festa e Fitër Bajramit.
Myslimanë të shumtë nga anë e kënd bota kanë përmbyllur suksesshëm një muaj të agjërimit, të kurorëzuar në fund me festën e ëmbëlsisë.
Urimet e shumta për këtë festë nuk po mungojnë as nga figura të rëndësishme të ekranit si dhe nga estrada.
Rap-artisti i njohur i skenës, Capital T, vendosi që t’ua urojë të gjithë ndjekësve të tij Festën e Fitër Bajramit, përmes një fotografie të publikuar në rrjetin social Facebook.
Ai u shfaq në një imazh pranë humanistit të madh, hoxhë Halil Kastratit, duke shkruar në përshkrimin e saj: “Me fat Bajramin, lutje e agjërim të pranuar”.
Pëlqimet dhe komentet e shumta nga ndjekësit nuk kanë munguar, me shumicën prej të cilëve i kanë uruar gjithashtu festën reperit në hapësirën për komente.
Miqësia e ngushtë përndryshe mes reperit Capital T dhe hoxhë Halil Kastratit daton prej vitesh, që kur reperi i shumë hiteve u bë pjesë e shumë prej nismave bamirëse të Kastratit.
/abc24.al/
