Media amerikane, Bloomberg raporton se ministrat e Jashtëm të vendeve anëtare të Bashkimit Evropian do të mbështesin hapjen e negociatave të anëtarësimit për Shqipërinë dhe Maqedoninë e Veriut.
Bloomberg raporton se ka parë draftin e komunikatës zyrtare që do të dalë nga mbledhja e ministrave, parashikuar për në 15 tetor në Luksemburg, dhe aty do të theksohet se mbështetet hapja e negociatave me Tiranën dhe Shkupin.
Sipas Bloomberg, drafti i hartuar të premten edhe mund të ndryshojë deri më 15 tetor.
