Milani dhe Napoli janë futur në një betejë në tregun e lojtarëve për t’i siguruar shërbimet e talentit hungarez Dominik Szoboszlai.
19-vjeçari ka rënë në sytë e shumë klubeve të mëdha me paraqitjet e tij mbresëlënëse për Red Bull Salzburg këtë sezon.
Ai i ka shënuar plot shtatë gola në tetë ndeshjet e fundit në ligë dhe ka rënë në radarin e Chelseat, Paris Saint-Germainit dhe Atletico Madridit.
Por janë dy klubet italiane që kanë shfaqur interesim më të madh për të.
Raportohet se Milani dhe Napoli janë duke i përgatitur ofertat për të.
Salzburg i kërkon 25 milionë euro për të, një çmim ky që po vlerësohet si si vlefshëm për një 19-vjeçar te talentuar si ai.
