Përveç dashurisë që merret e dhurohet çdo ditë, në çift sigurisht do të ndodhin edhe zënka pasi asgjë s’mund të shkojë vaj gjithmonë.
Nëse shpesh në rrjete sociale na ndodh të shohim vetëm mjaltin e marrëdhënies mes një çifti, këngëtarja Vesa Luma ka zgjedhur t’i tregojë të gjitha, madje edhe momentet “e këqija”.
Sot ajo është zënë me Big Bastën dhe kanë vendosur të mos i flasin njëri-tjetrit me gojë gjithë ditën.
Por, gjejeni pak kush e ka fajin? Pikërisht shkrepja e një fotoje.
Duket se Vesa e ka munduar partnerin derisa t’i bëjë foton e duhur dhe mes tyre ka plasur sherri.
“Righhttt on point burri
..tash nuk folim gjithe diten ,jemi bo nervoz , se kemi nejt disa minuta me nxerr foton e duhur ama kaluse ..i ka martesa kto peripeci”- shkruan Vesa.
Mirëpo, duke qenë se s’kanë ndërmend të merren vesh live, Big Basta i ka komentuar në foto për të vazhduar “debatin”:
“Kur e qan hallin ne insta dhe merr pergjigje qe te perkrahin eshte me keq per poziten time si fotograf i merzitur BRAVO, ma punove bukur me kete caption.”
“Aman mos mu merzit,hajde ndreqemi pls ”- ia ka kthyer këngëtarja e s’dimë ç’ndodhi më tej mes tyre, por me siguri kjo zënkë e vogël është lënë pas.
