Këngëtarja e njohur shqiptare, Bebe Rexha, ka tash e sa kohë që nuk ka sjell diçka të re për fansat e saj.
Ajo megjithatë po tregohet herë pas here aktive në rrjetet sociale, duke ndarë me ta fotografi dhe video të ndryshme nga përditshmëria e saj.
Së fundmi, 32-vjeçarja publikoi në llogarinë e saj zyrtare në Instagram disa fotografi të reja, ku shfaqej mjaft atraktive në Hollywood.
Foto: Bebe Rexha/Instagram
Ajo ka pozuar me një bluzë të bardhë të markës “J’adore”, kombinuar me një palë xhinse të kaltra.
Flokët e saj bionde të lëna në valë të lirshme e bënin bukuroshen e hitit “I’m a mess”, të dukej edhe më joshëse në këto fotografi.
Foto: Bebe Rexha/Instagram
Rexha përndryshe ka më shumë se një vit prej kur publikoi albumin e saj më të fundit me titull “Better Mistakes”.
Që nga viti i kaluar, ajo nuk ka sjell projekte të reja muzikore, duke i lënë ende në pritje fansat e saj, të cilët kanë hamendësuar se ajo mund të jetë në përgatitje të albumit të saj të tretë.
/abc24.al/
Foto: Bebe Rexha/Instagram
