15 maji duhej të ishte data e vigjiljes së javës së fundit të Bundesligës, por ndërkohë është bërë data e rinisjes së pjesës së mbetur të sezonit. Madje, kjo fundjavë duhej të kishte qenë edhe vendimtarja që Bajerni i Mynihut dhe Interi (ndonëse kontrata e huazimit përfundon më 30 qershor) që të rinisnin bisedimet në distancë për të folur për të ardhmen e Ivan Perisiçit.
Anësori ofensiv kroat mbërriti verën e kaluar në Bavari për 5 milionë euro (para këto për huazimin një sezonal), ndërsa shlyerja ishte parashikuar për 18 milionë euro, plus 2 milionë bonuse. Por duke parë krizën që ka shkaktuar në futboll pandemia, Bajerni kërkon të përfitojë nga kjo situatë dhe për të disatën herë i ka dhënë një ultimatum Interit për të ulur pretendimet.
Tashmë, nga Gjermania nënvizojnë se nëse pak javë më parë oferta e kampionëve të Bundesligës ishte 15 milionë euro në total për ta mbajtur, nga dje nënvizohet se klubi nga Mynihu vërtet kërkon që ta mbajë në skuadër zëvendëskapitenin e Kombëtares kroate, por nuk kërkon që të paguajë më shumë se 10 milionë euro të tjera për ta bërë të vetin kartonin e ballkanasit.
Sigurisht që në të tilla shifra Interi nuk do të pranojë, por ndoshta, duke qenë koherent me vlerësimet e lojtarëve pas kësaj periudhe pandemie, marrëveshja mes palëve mund të gjendet në një rrugë të mesme, pra mes 12-13 milionë eurove në total. Nga ana e tij, edhe vetë Ivan Perisiç kishte nënvizuar se ndihet shumë mirë te Bajerni dhe do të ishte i lumtur që të mos kthehej në Milano.
