Atletico Madrid ka arkëtuar tri pikë të reja në La Liga.
Skuadra e Diego Simeone ka marrë tri pikë, duke mposhtur skuadrën e Deportivo Alaves me rezultatin 2:1.
Gjithçka rreth këtij takimi u vendos në pjesën e dytë, kur fillimisht Saul Niguez dërgoi topin në rrjetë, atëherë kur luhej minuta e 59’ e ndeshjes.
Goli i dytë i ‘Rojiblancos’ erdhi në minutën e 73’, kur Diego Costa u tregua i saktë nga pika e bardhë e penalltisë.
Alaves reagoi krejt në fund, kur Joselu u tregua i saktë nga penalltia, për rezultatin final 2:1.
Me këtë fitore, Atletico numëron 58 pikë në pozitën e tretë në La Liga, kurse Alaves mbetet me 35 pikë në pozitën e 15.
