Apartamenti në lagjen nr.2 të Kavajës, ku pas një përplasjeje me armë, mbeti i vrarë Dritan Haxholli dhe u plagos polici Bledar Toci. Policia njoftoi se rreth orës 00.40, në lagjen nr. 2 Kavajë, Dritan Haxholli, banues në Kavajë, ka hyrë në banesën e shtetases M. Q. Në banesë ndodhej dhe Bledar Toci, banues në Kavajë, punonjës i Policisë së Burgjeve. Dritan Haxholli është konfliktuar me shtetasin Bledar Toci dhe ka qëlluar me armë në drejtim të tij, duke e plagosur atë. Bledar Toci, me armën e shërbimit, ka qëlluar në drejtim të Dritan Haxhollit dhe ky i fundit ka ndërruar jetë në vendngjarje. Polici Toci është jashtë rrezikut për jetën. Grupi hetimor po vijon punën për sqarimin e mëtejshëm të rrethanave të ngjarjes.
