Aksident i rëndë në Janinë, humbin jetën çifti i bashkëshortëve shqiptarë

0
110
Gjigandi

Një aksident tragjik ku u përfshi një familje shqiptare, ka ndodhur mëngjesin e kësaj së hënë në Janinë të Greqisë, gjatë rrugës për në Shqipëri.

U bë me dije se në aksidentin e ndodhur rreth orës 7 të mëngjesit dhe ku u përfshi familja shqiptare, humbën jetën dy prindërit të moshës 58-vjeçare dhe 50-vjeçare.

Drejtuesi i mjetit 58-vjeçar ndaloi automjetin në autostradë për të kontrolluar makinën për një defekt teknik të motorit, ku tentoi të dilte nga makina i ndjekur nga e shoqja që qe ulur në sëndisjen mbrapa. Kor dolën nga makina, ata i lanë dyert e anës së majtë të makinës të hapura.

Në momentin që po kontrollonin makinën, kaloi një automjet që përplasi dyert e hapura, të cilat ranë mbi bashkëshortët duke i dëmtuar rëndë, deri në vdekje.

Ngjarja tragjike ndodhi në sy të fëmijëve, djalit 10 vjeç dhe vajzës 25 vjeçe.

Policia rrugore mbërriti menjëherë në vendngjarje duke e dërguar çiftin në spital, por ishte e pamundur që t’u shpëtohej jeta.

Sipas televizionit lokal të Janinës, bashkëshorti vdiq në vend, ndërsa e shoqja gjatë transportimit për në spital.

Sipas informacioneve të mediave greke, familja po udhëtonin për në Shqipëri, ku do të kalonin disa ditë pushime.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu