Një tjetër vatër zjarr është regjistruar në vend, ekzaktësisht në fshatin Kalivaç të bashkisë së Memaliajt.
Burime për median bëjnë me dije se flakët po i afrohet banesave, si dhe deri më tani janë shkrumbuar sipërfaqe të tëra me drurë frutorë dhe ullishte. Raportohet se zona ndodhet në terr, pasi flakët kanë shkrumbuar kabinën elektrike që furnizon fshatin me energji.
Mësohet se në vendngjarje kanë shkuar forcat zjarrfikëse të cilat po luftojnë për shuarjen e zjarrit.
