Me mijëra sportistë sakrifikuan e derdhën djersë për të mbajtur gjallë sportin e Republikës së Kosovës.
Ishin kohëra të vështira në vitet e 90-ta, për faktin se përballeshin me armikun shekullor Serbinë.
Kosova ishte e rrethuar nga të katërt anët nga pushtuesi serb dhe popullit shqiptar ka përjetuar dhunë të shfrenuar.
Zejdi Sermaxhaj i takon Gjeneratës së Republikës. Ai ka qenë prej futbollistëve më të mirë.
Një sulmues i dëshmuar që nuk e kishte shoqin. Ai me një armatë sportistësh asnjëherë nuk u ndalën në misionin e tyre, iu kundërvunë fuqishëm agresorit serb.
Sermaxhaj sot ndihet i lumtur që futbolli i Kosovës po përparon dhe po ashtu ka një kombëtare të fortë.
