Mesfushori i Arsenalit, Granit Xhaka e pranon se largimi i Pierre-Emerik Obamejang do të ishte një humbje e madhe për skuadrën.
Sulmuesi nga Gaboni është kthyer në një lojtar tepër të rëndësishëm për Arsenalin, duke qenë se ka shënuar 61 gola në 97 ndeshje që kur iu bashkua klubit londinez në vitin 2018.
Por, 30 vjeçari është përfolur shumë për një largim të mundshëm në merkaton e verës. Kontrata i skadon në vitin 2021, prandaj dhe Arsenali po mendon shitjen në verë që të mos e humbasë me parametra zero pas një viti.
“Nëse ndodh largimi i tij, atëherë patjetër që do të ishte një humbje e madhe për ne. Obamejang është i rrezikshëm dhe shumë i mirë për të shënuar. Ai është gjithashtu një djalë i mirë, optimist, ndihmues dhe profesionist.
