Sfida kthyese e 1/8 së finales në Ligën e Kampionëve në mes Man. Siti dhe Real Madridit, tani më është një problem shtesë për UEFA-n. Sfida duhet të zhvillohet në stadiumin “Etihad”, pasi që Siti shënoi fitore në Madrid me 2-1. Mirëpo me vendimin e fundit të qeverisë së Britanisë së Madhe , ku në fuqi hyn karantina 14 ditore për personat që vijnë nga Spanja, është vënë në dyshim kjo përballje kthyese e Ligës së Kampionëve.
Dilema është se kjo masë e qeverisë britanike a do të vlejë për të gjithë personat dhe a do të lirohen ata persona që udhëtojnë për çështje biznesi ose aktivititi sportiv.
Mirëpo nëse nuk lejohet kjo e fundit, karantina do të jetë pengesë për ndeshjen, pasi që futbollistët e Realit, edhe nëse duan, nuk do të mund të plotësojnë karantinën e obligueshme, pasi që ndeshja zhvilohet më 7 gusht, ndërsa futbollistët ende janë në Spanjë.
Që të zhvillohet kjo ndeshje në “Etihad”, Real Madridi duhet të lihet jashtë karantinës dhe të ketë masa të tjera të kujdesit. Varianti i fundit mundet që kjo ndeshje të zhvillohet në terren neutral, për të cilën Man. Siti sigurisht se do të ishte kundër.
