Prej disa ditësh tashmë, në media të ndryshme në Shqipëri qarkulluan disa lajme se “Anjeza Shahini është ndarë nga bashkëshorti”.
Pas zërave për ndarje, këngëtarja ka reaguar përmes llogarisë së saj zyrtare në rrjetet sociale, për të mohuar thashethemet, e revoltuar me lajmet e rreme.
“Keni të ‘drejtën’ tuaj për të kërkuar falje publike për lajmin e gënjeshtërt, dëm-prurës ndaj imazhit tim publik, lajm i krijuar nga imagjinata juaj djallëzore. Kërkoj të fshini shpikjen tuaj nga websitet dhe rrjetet sociale e shëmtuara që menaxhoni dhe të përgënjeshtroni urgjentisht konkluzionin tuaj reth statusit tim familjar! Edhe për ju kjo ishte shumë e ulët. Të keni turp që lëndoni një familje, dëmtoni imazhin e një vajze të rritur para syve të publikut shqiptar”, ka shkruar Anjeza.
Në një postim tjetër, këngëtarja shton:
“Problemi nuk qëndron thjesht tek thashethemi i momentit, por tek gënjeshtra që mbetet në arkivë dhe këtë askush nuk duhet ta tolerojë. Sigurisht që unë do mundohem t’i shkoj deri në fund, por juve nuk do ua lodh kokën me detaje.”
Shahini dhe bashkëshorti i saj, diplomati anglez Paul Edward Conolly, u martuan në shtator të 2015-s në një ceremoni private në Toskanë. Ata janë prindër të një vajze, Victoria Kelis Connnolly.
