Një ngjarje e rëndë ka ndodhur në Kroaci ku një 21-vjeçar shqiptar ka humbur jetën.
Mësohet se i riu po punonte në ndërtim kur ka rënë nga një lartësi rreth 20 metra.
Policia kroate ka lajmëruar se ngjarja ka ndodhur mëngjesin e sotëm në kompleksin industrial të ish-uzinës Dalit në Daruvar.
Përveç policisë, në terren janë edhe inspektori i sigurisë në punë dhe avokati i shtetit.
Sipas informacioneve jozyrtare të raportuara nga mediat kroate, 21-vjeçari shqiptar ishte punonjës i një kompanie të Zagrebit, ndërsa ka humbur jetën pasi ka rënë nga një shkallë mbi beton nga një lartësi prej rreth 20 metrash.
