Mesfushori anglez Harvey Elliott ka nënshkruar kontratën e tij të parë profesionale me Liverpoolin.
17-vjeçari u gëzua shumë, duke thënë për faqen zyrtare të Reds. “Mendoj që nga dita e parë që jam këtu, ka qenë një udhëtim i papërshkrueshëm deri më tani”.
“Unë mendoj se tani për ta përmbyllur atë me kontratën time të parë profesionale është një ëndërr e realizuar për mua dhe familjen time. Jam i entuziazmuar kur shoh se çfarë mban e ardhmja dhe thjesht jam i ngazëllyer për t’i dhënë gjithçka klubit dhe tifozëve”.
Elliott u bashkua me Liverpool nga Fulham verën e kaluar, dhe ka luajtur në tetë ndeshje në të gjitha garat për këtë klub.
Ndeshja e tij e fundit ishte ndaj Crystal Palace në ‘Selhurst Park’ në 24 qershor, duke u futur si zëvendësues.
