Krimet e Rënda kanë shtyrë seancën paraprake për dosjen “Toyota Yaris”. Shkak për shtyrjen e seancës është bërë fakti se nuk kanë marrë dijeni dy kushërinjtë Alfred dhe Elvis Vladi, të shpallur në kërkim për këtë çështje. Avokatët e pranishëm në sallë kanë thënë se dy kushërinjtë nuk gjenden në vendin tonë, por janë jashtë Shqipërisë. Të arrestuar për këtë çështje janë babë e bir, Edi Lika dhe Klevi Cani, si dhe Alban Mollaymeri, të cilët akuzon për pastrim parash në kuadër të grupit të strukturuar kriminal, dhe shtetasi Agim Çeka, i akuzuar për armëmbajtje pa leje. Ndërkohë, seanca e radhës është shtyrë për datën 28 tetor 2019.
