Frika dhe përballja me pandeminë Covid-19 po vazhdon.
Rifillimi i sezonit në Serie A po ecën mirë, por ka edhe disa lojtarë që po shfaqin probleme shëndetësore.
Së fundmi, mbrojtësi i Lecce, Luca Rossettini, është shtrirë në spital.
Edhe pse lojtari ka rezultuar negativ në testimet e Covid-19, ai po përballet me një grip të vazhdueshëm.
Një njoftim nga klubi thotë se lojtari po përballet me temperaturë të lartë, të pashpjegueshme, dhe kjo ka zgjatur tash e dias ditë.
Lojtari ka kryer edhe testet e gjakut, por asnjëra nuk ka treguar se ai ka koronavirusin.
Rossettini është dërguar në spital dhe do të kryej teste më të detajizuara për të identifikuar problemin.
