Florentino Perez është i sigurt që Sergio Ramos do të përfundojë karrierën te Real Madrid, pasi drejtoi ata drejt titullit të 34-të të La Ligas.
Los Blancos me fitoren 2:1 ndaj Villarreal, siguran titullin e parë që nga sezoni 2016/2017, duke rritur distancën me Barcelonën me titujt e kampionit në La Liga.
Ramos kishte një ndikim të madh në këtë sukses, duke shënuar pesë herë në dhjetë ndeshjet paraprake.
“Ramos me siguri do të përfundojë karrierën te Real Madrid”, ka deklaruar Perez, përcjell lajmi.net.
Kohëve të fundit është spekuluar se Ramos mund të transferohet në futbollin kinez, dhe për këtë Perez pati një përgjigje.
“Megjithëse flitet për këtë, ajo nuk do të ndryshojë, të gjithë janë të qetë. Ai është më shumë se një kapiten, ai ka udhëhequr ekipin me një udhëheqje të jashtëzakonshme”.
