Duka dhe Dukesha e Kembrixhit refuzuan një ftesë për dasmën e Brooklyn Beckham dhe Nicola Peltz, thuhet sipas raportimeve.
Prindërit e dhëndrit, David, 46 vjeç, dhe Victoria Beckham, 47 vjeçe, thuhet se i kanë shkruar Princit William, 39 vjeç dhe dukeshës Kate, 40 vjeçe, për t’i ftuar ata në dasmën ekstravagante prej 3.5 milionë eurosh të organizuar në Palm Beach, Florida.
Çifti mbretëror, i cili kishte familjen Beckham si të ftuar speciale në dasmën e tyre në vitin 2011, refuzoi me mirësjellje ftesën, shkruan
DailyMail
.
Një burim i afërt me çiftin Beckham tha për Daily Mirror: “David dhe Victoria i shkruajtën Williamit dhe Kate-it duke i ftuar ata dhe familjen në dasmën e djalit të tyre, dhe William u përgjigj duke i uruar atyre një gëzim të madh, por ata nuk mund të merrnin pjesë”.
David dhe Victoria morën pjesë gjithashtu në dasmën e Dukës dhe Dukeshës së Sussex-t, përkatësisht Princit Harry me Meghan Markle në vitin 2018, duke nxitur spekulime se këta të fundit mund të jenë gjithashtu të ftuar në dasmën e Brooklynit.
Dizajnerja e modës, Victoria Beckham mendohet të jetë mikeshë e ngushtë me Meghanin, pas lëvizjes së përhershme me Harryn në ShBA. Dukesha e Sussexit shpesh fotografohet e veshur me dizajnet e Victorias.
Në shkurt të vitit 2020, ish-futbollisti profesionist David Bekcham foli se si ‘është krenar’ për mikun e tij ‘të mrekullueshëm’, Princin Harry pas martesës së tij me Meghanin dhe lindjes së djalit të tyre, Archie.
Por i njëjti burim hodhi poshtë pretendimet, duke sugjeruar se ‘lidhja’ e fortë e Davidit me Princin William dhe Kate-in, nënkuptonte se ata ishin e vetmja zgjedhje.
“Lidhja dhe historia e Davidit shkojnë prapa me Williamin dhe Kate-in dhe ata kanë një marrëdhënie shumë të fortë dhe ata ishin zgjedhja e tyre si mysafirë të dasmës”, vazhdoi burimi.
“Ishte gjithmonë për ta, kurrë nuk ishte për Meghan dhe Harryn”, shtoi i njëjti burim.
Nicola dhe Brooklyn, 23 vjeç, u martuan në një ceremoni luksoze në mbrëmjen e së shtunësd të organizuar në Palm Beach të Floridas.
/abc24.al/
