Pas eksperiencës pozitive tek Juventus, Massimiliano Allegri vendosi të qëndronte një vit pushim për të kuptuar se çfarë do të bënte në të ardhmen.
Në këtë sezon, ish-trajneri i Cagliari-t dhe Milan-it ka bërë spektatorin, në pritje të telefonatës së duhur. Mes këtyre telefonatave ka qenë edhe ajo e klubit sard, që në fundin e janarit të kaluar ka menduar pikërisht për trajnerin livronez.
Me rastin e 100 vjetorit të Cagliari-t, presidenti Giulini ka folur për tentativën e bërë për Allegri-n dhe për të ardhmen e këtij të fundit:
“Kam bërë një telefonatë pak të çmendur në fundin e janarit për t’i ofruar stolin tonë, duke e ditur se do të ishte e pamundur”, ka thënë Giulini për Sky Sports.
“Massimiliano më ka thënë se aventura e tij e ardhshme do të jetë jashtë Italisë, edhe pse ishte i tërhequr nga propozimi i Cagliari-t në vitin e 100-vjetorit”.
