Plas dhuna në shkollën e mesme në Dibër/ 21-vjeçari dhunohet nga roja e gjimnazit

0
Gjigandi

Një ngjarje aspak normale ka ndodhur gjatë ditës së sotme në një shkollë të mesme në Dibër, ku një 21-vjeçar është goditur nga roja i gjimnazit.

Më pas ka qenë vëllai i 21-vjeçarit që ka goditur rojën. Te dy persona janë arrestuar nga policia, por situata është agravuar, pasi vëllai i rojës, ka tentuar të futet me forcë në ambientet e Komisariatit të Policisë Dibër.

Njoftimi i policisë:

U konfliktua fizikisht me një 21-vjeçar (nxënës në vit të tretë), arrestohet në flagrancë roja i shkollës.

Arrestohet në flagrancë edhe vëllai i 21-vjeçarit, pasi u përfshi në konflikt dhe goditi rojën.

Specialistët për Hetimin e Krimeve të Komisariatit të Policisë Dibër arrestuan në flagrancë shtetasin K. E., 45 vjeç, rojë i një shkolle të mesme, pasi është konfliktuar fizikisht me shtetasin M. T., 21 vjeç, nxënës i  shkollës së mesme.

Gjithashtu u arrestua në flagrancë shtetasi Sh. T., 27 vjeç, banues në Dibër (vëllai i 21-vjeçarit), pasi është përfshirë në konflikt dhe ka goditur rojen.

Në vijim të veprimeve u referuan materialet në Prokurori dhe nisi procedimi penal për shtetasin S. E. (vëllai i rojës së shkollës), pasi ka tentuar të futet me forcë në ambientet e Komisariatit të Policisë Dibër, ku ishte shoqëruar vëllai i tij, pas konfliktit.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu