Ngjarja tragjike në SHBA/ Reagon motra e viktimës: Ornelën e vrau Florindi, ishte mbyllur në klinikë psikiatrike

0
Gjigandi

Një ngjarje e rëndë ka ndodhur në SHBA, ku një çift shqiptar u vetëvra duke u hedhur nga kati i 6-shtë i pallatit ku jetonin.

Çifti Florind dhe Ornela Belliu lanë pas dy fëmijë të mitur, teksa ishin në pritje të fëmijës së tretë.

Lidhur me këtë ngjarje tragjike, ka reaguar edhe motra e Ornelës, e cila akuzon aktorin si vrasës të motrës së saj. Përmes një postimi në postimi në ‘Facebook’, ajo shkruan se Florind vuante nga çrregullime mendore si dhe ky i fundit ishte shtruar në një klinikë psikiatrike.

Sakaq shton se ka qenë vetë Ornela e cila e kishte nxjerrë nga klinika bashkëshortin e saj, ndonëse mjeku e kishte paralajmëruar se Florind kishte ende nevojë për kurim.

Postimi i plotë:

E kam shumë të vështirë të flas në këto momente, pasi unë, motra e Ornelës dhe e gjithë familja jonë jemi tejet të pikëlluar nga humbja e parakohshme e motrës sonë të dashur, por nuk mund të rri pa shkruar dy fjalë për motrën time, për engjëllin tonë, që e donte aq shumë jetën, që rrezatonte mirësi dhe e donte i gjithë komuniteti në zonën ku jetonte në Nju Jork. Vë re me keqardhje që të gjithë portalet janë mbushur me fjalë të ndjera për humbjen e jetës së Florind Belliut, personit që vrau jo vetëm motrën tonë, por edhe fëmijën që do të lindte pas disa muajsh dhe asnjë fjalë keqardhjeje nuk kanë denjuar të shkruajnë për motrën tonë, e cila punonte dhe rriste pothuajse e vetme dy fëmijë të mitur, pasi ai që i mori jetën në mënyrën më makabre kishte kohë, vite që vuante nga çrregullime mendore, kishte kohë që ia kishte bërë jetën të vështirë motrës tonë…por Ornela ishte aq e mirë dhe e dhimbsur saqë shkonte e vizitonte çdo ditë në klinikën psikiatrike ku ishte i izoluar atë që do t’i merrte jetën në mënyrën më kriminale…i dërgonte ushqim siç dëshironte Flori, saqë punonjësit e klinikës e kishin pagëzuar Ornelën “ëngjëll”, pasi ishte e vetmja që shkonte çdo ditë në klinikë…

Mjekët e klinikës në Nju Jork e kishin paralajmëruar Ornelën që bashkëshorti i saj kishte ende nevojë për kurim, pasi nuk kishte përmirësim, por Ornela edhe për hatër të dy djemve të vegjël që kërkonin babin, kishte firmosur për ta sjellë Florindin në shtëpi, pa pandehur se ai do t’ia merrte jetën asaj dhe foshnjës që mbante në bark, pa u shqetësuar për të ardhmen e dy fëmijëve të mitur.

Falënderoj me zemër të gjithë ata që kanë shkruar fjalë të mira, të ndjera për engjëllin tonë- Ornelën!

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu