Ditën e nesërme është paralajmëruar që në orën 11:00 do të zhvillohet protestë kombëtare. Njerëz nga e gjithë Shqipëria do të mblidhen para kryeministrisë për të protestuar për rritjen e çmimeve.
Kryeministria ka marrë masat dhe mbrëmjen e sotme ka nisur blindimin e dyerve.
Sot ishte dita e tretë e protestës në Tiranë dhe qytete të tjera pasi qytetarët kundërshtojnë rritjen e çmimit të naftës që për pasojë ka sjellë dhe rritjen e çmimeve të tjera.
Në Tiranë u mblodhën dhjetëra qytetarë, të cilët qëndruan rreth 2 orë para kryeministrisë ndërsa më pas u zhvendosën në rrugën e Durrësit dhe tek rrethrrotullimi i Zogut të Zi, ku penguan qarkullimin e mjeteve për disa caste derisa ndërhyri policia.
Situata e tensionuar ishte edhe në Durrës ku qytetarët bllokuan rrugët e qytetit dhe pati përplasje pasi thyen kordonin e policisë dhe qëllimi i tyre ishte të bllokonin autostradën Tiranë-Durrës. /tch/
Për të parë videon klikoni KËTU
