Kryetari Shpejtim Bulliqi dhe ministri i Zhvillimit Rajonal (MZHR) Fikrim Damka nënshkruan sot marrëveshje bashkëpunimi për financimin e projektit “Ndërtimi i Stacionit të Autobusëve” në Podujevë.
Në një postim në Facebook, Bulliqi shkruan se faza e parë e projektit, për të cilin u tha se pritet të fillojë së shpejti, kap vlerën 240 mijë euro dhe përveç MZHR-së, participues janë edhe Komuna e Podujevës dhe Ministria e Mjedisit.
Bulliqi dhe Damka sot nënshkruan edhe aneks-marrëveshjen për vazhdimin e projektit për ndërtimin e urave në Gllamnik, Bajçinë dhe Sfeçël në vlerë 40 mijë euro.
Postimi:
Sot me Ministrin e Zhvillimit Rajonal, z. Fikrim Damka nënshkruam marrëveshje bashkëpunimi për financimin e projektit “Ndërtimi i Stacionit të Autobusëve” në Podujevë, faza e parë e projektit vlera 240 mijë euro.
Përveç MZHR-së, në këtë vlerë participues janë edhe Komuna e Podujevës dhe Ministria e Mjedisit, Planifikimit Hapësinor dhe Infrastrukturës.
Duke pasë parasysh rëndësinë e këtij projekti, u zotuam që sa më shpejt të fillojmë me punë.
Po ashtu, me ministrin Damka, sot kam nënshkruar edhe aneks-marrëveshjen për vazhdimin e projektit për ndërtimin e urave në fshatrat Gllamnik, Bajçinë dhe Sfeçël në vlerë 40 mijë euro.
