Drejtori i Napolit, Cristiano Giuntoli ka thënë që futbollisti i tyre Fabian Ruiz nuk është në treg edhe pse po kërkohet nga Barcelona dhe Real Madridi.
Mesfushori u transferua te Napoli nga Real Betisi për 30 milionë euro, duke arritur të bëjë paraqitje të mira me skuadrën italiane dhe të marrë vëmendjen e shumë klubeve.
Real Madridi dhe Barcelona ishin dy nga skuadrat që dëshironin transferimin e Ruizit.
“Fabian i ka edhe tri vite në kontratën e tij dhe ne do të flasim për rinovim vitin e ardhshëm”, ka thënë drejtori i skuadrës italiane.
Fabian arriti që të shënojë 3 gola dhe të bëjë 2 asistime në 32 ndeshje të luajtura këtë sezon.
