Pas marrëveshjes së palëve politike për administrimin Zgjedhor, reagime të shumta kanë ardhur edhe nga ndërkombëtarët.
Zv. Presidenti i KE, Josep Borrell ka vlerësuar konsensusin e sotëm të arritur mes palëve politike për Reformën Zgjedhore.
Borrell thotë se kjo është një arritje e rëndësishme që adreson një kusht kryesor për të filluar negociatat me BE dhe e çon Shqipërinë një hap më afër Unionit.
Po ashtu Borrel shton se kjo marrëveshje dhe Reforma Zgjedhore do të jetë mirë për përparimin e ardhshëm në reformat e nevojshme të Shqipërisë për në BE.
DEKLARATA E PËRBASHKËT BORRELL- VARHELYI
Ne i urojmë të gjitha palët për marrëveshjen e sotme të rëndësishme për reformën zgjedhore. Ne e mirëpresim procesin gjithëpërfshirës dhe vlerësojmë gatishmërinë politike për të arritur konsensus. Kjo është një arritje e rëndësishme që do të përfitojë nga qytetarët e Shqipërisë.
Dispozitat e reja të Kodit Zgjedhor, të miratuara dikur nga Parlamenti, do t’i japin Shqipërisë një proces zgjedhor me integritet dhe standarde më të larta transparence, bazuar në rekomandimet e OSBE / ODIHR, përfshirë edhe depolitizimin gradual të administratës zgjedhore.
Ato adresojnë një kusht kryesor për të filluar negociatat e pranimit në BE, siç thuhet në përfundimet e Këshillit të Marsit 2020, duke e çuar kështu Shqipërinë një hap më pranë të ardhmes së saj në BE. Kjo do të jetë mirë për përparimin e ardhshëm në reformat e nevojshme në rrugën e Shqipërisë në BE.
Shkruar nga: top-channel.tv
