Eric Bailly pritet të largohet nga Manchester United gjatë afatit kalimtar veror.
Mbrojtësi nga Bregu i Fildishtë nuk ka pasur shumë minuta këtë vit pasi ka pasur disa probleme me lëndime.
Kontrata e lojtarit me Djajtë e Kuq është deri në verën e vitit 2022, mirëpo United duan të fitojnë nga largimi i tij.
Kampioni i shumëfishtë i Anglisë e ka nxjerr në shitje afrikanin dhe nga largimi i tij duan 14 milionë euro.
Shumë skuadra janë vënë pas qendërmbrojtësit, ndërsa e ardhmja e tij duket se do të jetë në kampionatin italian Serie A.
Tre gjigantët italianë Roma, Milan dhe Napoli janë skuadrat më të interesuara dhe për to nuk paraqet problem shuma e kërkuar nga Djajtë e Kuq.
26-vjeçari mund të rikthehet edhe në kampionatin spanjoll La Liga, ku Valencia është skuadra e interesuar për të.
