Romelu Lukaku ka shkëlqyer këtë sezon me fanellën e Inter.
Transferimi në Serie A ka qenë vendim i mirë për Romelu Lukaku, së paku bazuar në sezonin e tij të parë me Inter.
Ylli belg ka vendosur një rekord personal këtë edicion kur luajti nën urdhërat e Antonio Conte.
Lukaku ka shënuar 29 gola gjatë këtij sezoni (në të gjitha kompeticionet), shifër kjo rekorde për të.
Sulmuesi i Inter ka mundësi të përmirësojë këtë rekord pasi ka edhe dy ndeshje në dispozicion për t’i luajtur në Serie A, si dhe ka Ligën e Evropës përpara.
Mbetet të shihet me sa gola do ta mbyll Romelu Lukaku sezonin 2019/20.
