Pa treguar emra konkretë prokurorësh, por duke hedhur dyshime te forta ndaj disa prej tyre ministrja e Drejtësisë akuzoi:
“Shqiptaret sot presin përgjigje te shpejta nga prokuroria, pa zvarritje dhe sorollatje me muaj dhe vite , presin qe prokuroria të mos mbyllë sytë përpara veprave penale apo akoma me keq të bëhet pale me kriminelin siç mund të kemi vënë re disa raste kohët e fundit”.
Për te zbatuar rekomandimet e qeverisë se ku duhet fokusuar lufta ndaj kriminalitetit 2020, ministrja mendon se si fillim kërkohen prokurorë te pavarur që do të godasin krimin e organizuar dhe atë me shqetësuesin, korrupsionin. Prokurori i përgjithshëm Olsian Cela replikoi duke i kujtuar ministres se veç garancive te ligjit per pavarësinë e prokurorit duhet te kontribuojnë edhe institucionet.
Kryeprokurori foli troc për mundësitë reale te prokurorëve për ti shndërruar ne veprime konkrete dhe i rekomandoi rekomandueses se qeverisë, te bëhet kujdes për kohën e vonuar dhe mënyrën si jepen këto udhëzime.
“Nuk do te ishim objektive nëse udhëzimet e natyrës se përgjithshme do te realizonin te gjitha pritshmerite ne raport me ate qe mund dhe duhet te bejne prokuroret. Udhëzimnet e kesaj natyre synojne te strukturojne marrëdhëniet ndërinstitucionale, apo çështje te brendshme organizative, por nuk mundet kurrsesi te imponojne vullnete mbi zgjidhje te çështjeve konkrete, pasi do te cenonin pavaresine e prokuroreve”.
Duke treguar kufijtë ku ndahen pushtetet, kryeprokurori përmendi se vetë ligjvënësi i ka dhënë rol primar gjyqtarit paraprak qe vendos mbi fatin e hetimeve. “Kjo situatë ka sjellë dualitet”, denoncoi prokurori i përgjithshëm. Sipas tij gjyqtari paraprak ka marrë super fuqi dhe asnjë përgjegjësi.
Teksa ne rekomandimet për luftën ndaj kriminalitetit kërkohet seriozitet ne hetimin e te korruptuarëve dhe sekuestrimit te pasurive te tyre, Olsian Cela përmendi harresën e ligjbërësve për te parashikuar se si numri një i akuzës do i përcjellë këto kërkesa tek SPAK. /Anila Hoxha/
Burimi: top-channel.tv
