Aktori i njohur shqiptar, Kushtrim Sheremeti është përzgjedhur në pozitën e drejtorit të Teatrit Kombëtar të Kosovës (TKK).
Sheremeti ka nënshkruar marrëveshje për kontratë pune me Ministrinë e Kulturës, Rinisë dhe Sportit për të qenë në krye të TKK-së për katër vitet e ardhshme.
I pyetur për pozitën e re, këtë e ka konfirmuar edhe Sheremeti në një prononcim për abc24.aln.
Foto: Kushtrim Sheremeti/Facebook
“Po, po kam nënshkruar marrëveshjen për drejtor”, ka thënë shkurt Sheremeti.
Kujtojmë që në garë për pozitën e drejtorit të përgjithshëm të Teatrit Kombëtar ishin edhe Avni Dalipi, Blerim Krasniqi dhe Xhemail Agaj.
Vitin e kaluar drejtor i TKK-së u zgjodh dramaturgu dhe regjisori, Naser Shatrolli i cili dha dorëheqje në fillim të këtij viti.
Ndërkaq, Kushtrim Sheremeti ka lindur në Pejë ndërsa ka përfunduar Fakultetin e Arteve në Prishtinë, ai njihet për role të shumta dhe shfaqje teatrale.
/abc24.al/
