Kur bëhet fjalë për këpucët, Amina Muaddi është stilistja më në trend e momentit.
Këpucët e Amina Muaddit janë veshur nga Kylie Jenner, Rihanna dhe më shumë yje të tjerë.
Ajo së fundmi ka qenë e përfolur në rrjet në masë të madhe si një ndërhyrje në mes të çiftit, Rihanna dhe ASAP Rocky.
Amina Muaddi (Foto: The Sun)
Por, kush është Amina Muaddi?
Muaddi është një stiliste dhe sipërmarrëse këpucësh e njohur për markën e saj personale.
Ajo është paraqitur shumë herë në revistën
“Vogue”
për dizajnët e saj dhe për bashkëpunimin me kompaninë e Rihannas, Fenty.
Dizajnerja e re ka mbi një milion ndjekës vetëm në Instagram.
“British Vogue”
e quajti atë një nga ‘5 dizajneret më të famshme’.
Ajo gjithashtu ka një listë klientësh të mbushur me yje nga Kendall Jenner deri te Dua Lipa.
Muaddi i tha
“British Vogue”
në vitin 2019 se është shoqe me stilistin e Ririt dhe kështu filloi lidhja e tyre.
“Epo, stilisti i Rihannas dhe unë jemi miq, kështu që ai pa disa prototipe të hershme”, tha ajo.
“Por më pas ajo bleu disa palë vetë përmes blerësit të saj personal. Ajo është një person kaq e mirë. Ajo më dërgoi disa rroba Fenty kur e lansoi brendin e ri – ndihem e mahnitshme kur i vesh ato”, shtoi ajo.
Rihanna dhe Amina (Foto: Instagram)
Dizajnet e Muaddit vihen re pothuajse menjëherë me format e tyre gjeometrike dhe shumëngjyrëshe.
36-vjeçarja është gjysmë rumune, gjysmë jordaneze, por që është rritur në Itali.
Në raportimet e reja është thënë se Amina bëhet shkak i ndarjes së Rihannas me asap Rocky.
ASAP Rocky dhe Rihanna (Foto: Backgrid)
Ylli amerikan u raportua se e ka tradhtuar Ririn me dizajneren Muaddi, pavarësisht se nuk është konfirmuar asgjë akoma.
/abc24.al/
