Shorti për raundin preliminar në Ligën e Kampionëve për edicionin 2020/21 do të hudhet sot nga ora 12:00.
Kampionët e katër shteteve të renditura ulët në renditjen e UEFA-s si nga Kosova, Irlanda Veriore, Andorra dhe San Marino do të bëjnë gara në këtë raund.
Dy ndeshjet e para përcaktojnë fatin e dy gjysmëfinaleve, derisa më pas do të luhet edhe finalja.
Ndonëse në disa vende ende nuk dihet kampioni apo skuadra që do të marrë pjesë në Ligën e Kampionëve, deri më 3 gusht është afati kur do të dërgohet lista me emrat e pjesëmarrësve.
Raundi preliminar është një mini-turne me gjysmëfinale që nis nga 8 gushti, derisa finalja luhet më 11 gusht.
Të gjitha ndeshjet do të zhvillohen në terren neutral.
Fituesi i raundit preliminar do të marrë pjesë në raundin e ardhshëm që nis nga 18 dhe 19 gushti.
