Kundërpërgjigjet me Kupën e Italisë.
Data e 5 maj e 2002-shit është ajo që ndan më së shumti tifozërinë e Interit dhe atë të Juventusit, pasi pikërisht atë ditë, zikaltrit humbën ndaj Lazios në Romë dhe bardhezinjtë triumfuan në transfertën ndaj Udineses, për të rimarrë kreun në javën e fundit dhe për të fituar titullin e 26 kampion në historinë e Serisë A.
Pikërisht sot më 5 maj, bardhezinjtë kanë shpërndarë një video nga festimet e bëra nga futbollistët 18 vite më parë, duke “ngacmuar” rivalët e tyre të përjetshëm zikaltrit nga Milano, që nga ana tjetër janë kundërpërgjigjur me anë të ish mbrojtësit Marco Matterazzi.
