Kërkohen dhurues gjaku, fëmijët talasemikë në Shqipëri nuk marrin sasinë e duhur

0
6
Gjigandi

Natalia Tojadhi vuan nga talasemia. Ajo duhet të marrë gjak tre herë në muaj.

“Duhet të vi të pakten 2-3 herë në muaj. Në disa raste marr dy sepse mund të ketë më shumë dhurues, në disa raste marr një se ka më pak dhurues. Nëse ke dy qese duhet të rrish të paktën, dy orë e gjysmë tre orë”, thotë ajo.

12-vjeçarja nga Vlora, në disa raste nuk merr sasinë që i duhet.

“Ndihem e pafuqishme ndonjëherë. Në orën e fiskulturës duhet të bëjmë ushtrime dhe ndonjëherë nuk mundem ti bëj te gjitha, për shkak se marr gjak dhe mami më thotë mos u lodh shumë”, u shpreh Natalia.

Personat talasemikë, janë ata që vuajnë më shumë nga këto mungesa. Në Shqipëri janë rreth 155 fëmijë talasmikë, që marrin trajtim. Shpeshherë, dhurimet nuk mjaftojnë.

Në qëndrën e dhurimit të gjakut, rezervat janë të pakta. Aktualisht janë 11.8 dhurues për banorë. Sipas OBSH, që të ketë mjaftueshëm gjak, dhurimet duhet të jenë 13-15 dhurues për 1000 banorë.

Bledjan Lica është një dhurues vullnetar, i cili dhuron gjak sa hërë mundet.

“Është akoma ajo tabuja në shoqërinë tonë, mendojnë se u shkakton ndonjë problem. Është një nga gjërat më të mira, jam ndjerë shumë mirë dhe duke menduar që unë nga ai 10 minutëshi im që po u humbas të kohës, do ndihmoj një person që realisht, ka nevojë”, thotë ai.

Në 4 muajt e parë të këtij viti, janë kryer rreth 8,200 dhurime. 20% kanë qënë dhurues vullnetarë. 80% shkojnë të dhurojnë gjak vetëm në raste se një familjar i tyre ka nevojë.

Talasemia mund të zbulohet që në shtatëzani.

“Të rinjtë që lidhin martesë duhet të jenë mbartes që të lindin fëmijë me talasemi, në 25% të rasteve në cdo shtatëzani. Mund të kryejnë analizat dhe e shohin nëse fëmija do jetë talasemik dhe nëse duan ta vazhdojnë shtatëzaninë”, sipas mjekes pediare, Manika Kreka.

Mjekët thonë se ka një rënie të personave të regjistruar me talasemi në vitet e fundit. Por ende nevojat për gjak nuk plotësohen. Secili prej nesh, mund të bëhet heroi i dikujt, duke dhuruar gjak. /Euronews Albania/

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu