97.5 kg kanabis satva dhe 7 kg kanabis të përpunuar në formë çokollate, janë sekuestruar prej anti drogës greke në vendin e quajtur Luro në afërsi të Prevezës,70 km larg kufirit shqiptaro – grek në zonën e Epirit.
Burime policore thanë se lënda narkotike ishte vendosur në bagazhin e një automjeti me targa greke,i cili rezultoi i vjedhur,ndërsa targat ishin vendosur nga automjet tjetër i së njëjtës markë,edhe ato vjedhura pak ditë më parë me zonën e Prevezës.
Sipas policisë,në pranga ka renë një 52 vjeçar shtetas grek,me origjinë nga Shqipëria,emri i të cilit nuk bëhet publik për momentin.
Prej hetimeve rezultoi se lënda narkotike ishte ngarkuar në zonën e qaf botës,ngarkuar ishte transportuar prej asaj që agjentet grekë të anti drogës e quajnë “banda e Butrintit”.
Policia greke thotë se banda e Butrintit është një grup tashmë te identifikuar të rinjsh, të gjithë, banorë të zonës se fshatrave Ksamil, Shëndelli dhe Vrinë, zona këto shumë pranë kufirit mes dy vendeve.
Dyshohet se kjo bande ka njohje dhe mbrojtje të rëndësishme ndër forcat e rendit në zonën e Sarandës,pasi aktiviteti i tyre është pothuaj publik,por asnjëherë nuk janë penguar të vazhdojnë trafikun në zonën kufitarë të Stillos.
Sipas policisë greke,në këtë zonë dyshohet se ende kultivohet kanabis në bunkerë dhe pllaja malesh.
52 vjeçari i arrestuar,u tha agjentëve se lënda narkotike do të dërgohej në Athinë tek një organizatë e tregtimit të narkotikëve në kryeqytetin helen,dhe se ai ishte transportuesi i saj,dhe do të paguhej me 200 euro për çdo kg.
52 vjecari u dërgua në gjykatë,e cila e la në burg deri në përfundimin e hetimeve.
Burimi: top-channel.tv
