Një 36-vjeçar, i dënuar me 15 vite burg, është ekstraduar nga Stokholmi, drejt vendit tonë.
Mësohet se i ekstraduari është Bledar Haroku, 36 vjeç, i cili ishte shpallur në kërkim ndërkombëtar për mashtrim.
Sipas uniformave blu, ky shtetas ishte shpallur në kërkim ndërkombëtar pasi Gjykata e Rrethit Gjyqësor Tiranë, në vitin 2015, e ka dënuar me 15 vjet burgim, për veprën penale “Mashtrimi”, kryer në bashkëpunim.
Në vitin 2013, në Tiranë, shtetasi Bledar Haroku, në bashkëpunim me persona të tjerë, nëpërmjet mashtrimit, i ka marrë shumën 136.000 euro, shtetasit L. V.
Si rezultat i bashkëpunimit të Interpol Tiranës me Interpol Stokholmin/Suedi, u bë i mundur ekstradimi i tij drejt vendit tonë.
