Hodhi drogën në tokë sapo pa policinë, arrestohet 23-vjeçari në Elbasan

0
71
Gjigandi

Një 23-vjeçar është arrestuar në Elbasan pasi sapa ka parë policinë ka hedhur lëndën narkotike në tokë.

Shtetasi me iniciale G. T., akuzohet për veprën penale “Prodhimi dhe shitja e narkotikëve”.

Njoftimi i Policisë:

Goditet një rast i shpërndarjes së lëndëve narkotike në doza.  Sekuestrohen doza me lëndë të dyshuar narkotike cannabis sativa.  Arrestohet në flagrancë 23-vjeçari që i posedonte.

Specialistët e Seksionit për Hetimin e Narkotikëve dhe Trafiqeve të Paligjshme, në vijim të punës për evidentimin dhe goditjen e veprimtarisë kriminale në fushën e narkotikëve, në bashkëpunim me Sektorin e Forcës së Posaçme Operacionale në Drejtorinë Vendore të Policisë Elbasan, kanë goditur një rast të shpërndarjes së lëndëve narkotike.

Në përfundim të veprimeve për këtë rast u arrestua në flagrancë, për veprën penale “Prodhimi dhe shitja e narkotikëve”, shtetasi:  G. T., 23 vjeç, banues në lagjen “Vullnetari” Elbasan.

Gatë kontrollit të ushtruar nga shërbimet e Policisë, u gjetën dhe u sekuestruan doza me lëndë të dyshuar narkotike cannabis sativa, të cilat ky shtetas i ka hedhur në tokë kur ka parë shërbimet e Policisë.

Materialet i kaluan Prokurorisë, për veprime të mëtejshme.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu